Korrikaren amaierako ekitaldia izango da Baionan, eta Galtzaundi elkarteak antolatuta, autobusa egongo da Baionara joateko. Txartelak salgai daude Zizurkilgo udal-bulegoetan, martxoaren 21era bitartean. 09:25ean aterago da Amasa-Villabonako elizako geltokitik.
Martxoak 22: Uraren Munduko Eguna Ibiur Urtegiko Instalazioetara bisita: Gure etxeetara iristen den ura nondik datorren eta nola prestatzen den edangarria izateko jakin nahi baduzu Tolosako udalak martxoaren 24ean, igandea, ibiur urtegira bisita antolatu du. Ibiur urtegia eta ura edangarria egiteko tratamendu plantaren instalazioak ezagutzeko aukera egongo da. Bisita honetan “presatik zenbat ur ateratzen den une bakoitzean, zer den emari ekologikoa eta zertarako balio duen, urtegiak nola funtzionatzen duen eta uholdeak izateko arriskua dagoenean zer erabaki hartzen diren" azalduko da. Ondoren, araztegian ikusiko da zeintzuk diren ur-edangarria egiteko ematen diren pausoak eta tratamenduak. Bisita doan da eta parte hartzeko, aldez aurretik izena eman beharko da: Eguna: Martxoak 24, igandeaAutobusa 10:00etan aterako da Santa Klara-tik eta itzulera 13:15 inguru izango da.Bisita pertsona guztientzako irekia da.IZEN-EMATEAK: tolosakoingurumenzentroa@gmail.com korreoa bidali edo 687 702 049 deitu. (aipatu ea euskaraz ulertzen duzun)
Udalerri euskaldunetako gazteentzako udalekuak antolatu ditu aurten ere UEMAk. Aurten bi txanda izango dira: ekainaren 24tik uztailaren 2ra, eta uztailaren 4tik 12ra. Gaur zabaldu da izena emateko epea eta martxoaren 31n amaituko da. Lau modutara eman daiteke izena: -Lotura honetan. -Telefonoz: 943 81 66 99 -Posta elektronikoa: administrazioa@uema.eus -Telegram edo Whatsapp: 608 66 81 55
"Hona bostekoa" komiki bildumaren erakusketa udaletxeko ganbaran, Udalbiltzaren Geuretik Sortuak bekaren eskutik.