Intxaustiren piezak entzun ahal izan ziren, 1991ko Segurako dantza txapelketa irabazi zuen dantzari bikoteak ere hartu zuen parte Sutarrikoekin batera, Anjel Mari Peñagarikanoren bertsoak, herriko txistulari eta abeslariak, Gorka Hermosa eta Garikoitz Mendizabal musikariak…

Asko izan ziren oholtzan lekua izan zutenak eta Germanen bilobek ere eskaini zioten agurra. Ekitaldi goxo eta hunkigarria izan zen, eta Alegiako zein kanpotik etorritako herritarrek erantzun aparta eman zioten.

Gipuzkoako Foru Aldundiko diputatuek Orexan egin dute asteroko erakunde bilera nagusia, Diputatuen Kontseilua. Gurutze Etxezabal alkateak egin die harrera eta ondoren, Eider Mendoza diputatu nagusia buru dela foru diputatuek bilkura egin dute. Aurretik, Udalak esku artean dituen proiektu eta egitasmoak ezagutu ditu Mendozak alkatearen eskutik.