Alegiako festetako kamiseta eskuratu nahi dutenek ekainaren 27a baino lehen eskatu beharko dute Garaikon. Behin eskaera eginda, kamisetak uztailaren 10en eta 11n jaso beharko dira 10 euroko prezioan.

Ekainaren 23an, San Joan bezpera ospatuko da Alegian. 20:30ean zahagiardoa egingo da taxien geralekua dagoen plazan. Behin zahagiardoa amaituta sua piztuko da plazan.

Ohi bezala, Sutarri dantza taldeko kideak ariko dira suaren bueltan dantzan. Aurreko urtean egin bezala, Txintxarri Abesbatza kultur elkartearen ekimenez, herritar talde batek Bordon Dantza abestuko du. Herriko musikariek ere hartuko dute parte