Bost umorista, zuzeneko musika, edariak eta krispetak. Hori topatuko dute abenduaren 23an, 19:00etan, Gure Zirkuak Tolosan duen karpara gerturatzen direnek. Galtzaundiren eta Gure Zirkuaren eskutik, publikoa barrez lertzeko helburua izango dute Antton Telleriak, Jone Bengoak, Julen Portillok, Kike Amonarrizek eta Nerea Arriolak. Umoregileek bakarrizketa laburrak egingo dituzte eta horretarako giro ezin aproposagoa sortzeko zuzeneko musika ere egongo da ordubete pasatxoko saioan.

Euskararen Egunean mosaiko erraldoi bat egiteko proposamena zabaldu diegu  eskualdeko 28 herriei eta guztien artean, ‘Euskararen etorkizuna jokoan!!’ esaldia osatu dugu.

28 herriek, hartu dute parte eta denera 2.000 euskaltzalek baino gehiagok hartu dute parte mosaikoan.

Ikusi argazkiak herriz herri