Asteartea, irailak 1

Kultur eta kirol jarduerak eta Jabekuntza Eskolan izen-ematea

Irailaren 1ean irekiko da 2026-2027 ikasturterako Irurako Udalak antolatutako kultur eta kirol jardueretan eta Jabekuntza Eskolako ikastaroetan izena emateko epea. Irailaren 13ra arte egongo da zabalik. Kultur eta kirol jarduerei dagokienez, haur eta nerabeentzako zein helduentzako eskaintza prestatu du Udalak. Helduentzako kultur eta kirol jarduerak. Haur eta nerabeentzako kultur jarduerak. Jabekuntza Eskolan, berriz, bi talde izango dira ikasturte honetan: Ongizate emozionala eta Amen taldea. Bi jarduerak doakoak izango dira, eta gehienez 16 emakumek parte hartu ahal izango dute talde bakoitzean. Irailaren 1ean beste albiste bat argitaratuko da udalaren webgunean, izena emateko formularioekin eta beharrezko informazioarekin.

euskara ikastaroetan izen-ematea

Irailaren 1etik 18ra egongo da zabalik euskara ikastaroetan izena emateko epea. Euskara ikasi edo hobetu nahi duten herritarrek Iruran bertan edo Tolosaldean ikasteko aukera izango dute. Irurako ikastaroen kasuan, taldeak gutxieneko ikasle-kopurua osatzen bada sortuko dira. Tolosaldeko eskaintzaren informazioa ere eskuragarri dago, eta ikastaroren bat interesatzen zaien herritarrek dagokion euskaltegiarekin edo Irurako Udalarekin jar daitezke harremanetan. Informazio gehiago behar izanez gero, Irurako Udaleko Euskara Zerbitzuarekin jar daiteke harremanetan astearte eta ostegunetan, 09:00etatik 15:00etara: 943 691 333 / 688 879 800 edo euskara@irura.eus. Informazio-orriak: Anoeta-Irura Tolosaldea  

08:00

Eltxo tigrearen presentziaren inguruko laginketa

Eltxo tigrearen presentziaren inguruko laginketa bat jarriko du martxan Eusko Jaurlaritzak Alegian ekainaren 15ean. Azaroaren 15era bitartean luzatuko da eta laginketa horren helburua Alegian eltxo tigrerik bat ote dagoen zehaztea izango da. Bada, laginketa horretarako edalontzi moduko ontzi batzuk jarriko dira herriko hainbat puntutan. Ontzi horiek ura izango dute eta ez dira arriskutsuak inondik inora herritarrentzat. Laginketak irauten duen bitartean ontzi horiek dauden lekuan uztea eskatzen da, kendu gabe.

09:00

"Gazako garrasia" erakusketa

Ordutegia: astelehenetik ostiralera, 9:00-15:00. Inaugurazioa: irailak 3, osteguna, 19:00etan.

09:00

Ikastaro eta zerbitzuetan izen-ematea

2026-2027 Ikasturteko ikastaro eta zerbitzuetan izena emateko on-line galdetegia bete edo izen-emate orria udaletxean aurkeztu behar da (orriak udaletxean eta kultur etxean daude eskuragarri). Adi! Irailaren 14tik 25era udal bulegoak itxita egongo dira, beraz, tarte horretan izen-emate orria buzoian sartu beharko da edo on-line galdetegia bete. 

11:00

Asteasuko udal igerilekua ekainaren 13an irekiko da

Asteasuko udal igerilekua ekainaren 13tik irailaren 6ra egongo da zabalik. Ordutegia 11:00etatik 20:00etara izango da. Igerilekuko abonu berriak eskatzeko edo urteko abonuak berritzeko, eskabidea bete eta udaletxean aurkeztu beharko da. Horrez gain, aurreko urteko txartelak ere eraman beharko dira aktibatzeko. Eskabideak udal webgunean eta udaletxean daude eskuragarri. Asteasuarrek ekainaren 1etik aurrera egin ahal izango dute izapidea. Asteasuarrek eta beste herrietako herritarrek, berriz, ekainaren 8tik aurrera eskatu ahal izango dituzte abonuak, soberako abonuak baleude. Udaletxeko ordutegia 09:00etatik 14:00etara izango da.

11:44

Zabalik dago Azoka Berezian parte hartzeko izen-ematea

Asteasuko Azoka Berezia irailaren 27an egingo da, eta azokan postua jarri nahi dutenentzako izen-ematea zabalik dago. Deialdia Asteasutik kanpoko ekoizleentzat eta artisauentzat ere zabalik dago. Interesa dutenek irailaren 2a baino lehen eman beharko dute izena. Izena emateko edo informazio gehiago jasotzeko, kultura@asteasu.eus helbidera idatzi edo 626 235 884 telefono zenbakira deitu daiteke

12:34

Kultur etxeko eta liburutegiko abuztuko ordutegiak

Inaxio Begiristain Kultur eta Kirol Etxea eta liburutegiak oporrak izango dituzte datozen asteetan. Bi zerbitzuek uztailaren 30ean izango dute azken lan eguna eta kultur etxearen kasuan, irailaren 1ean irekiko dituzte ateak eta liburutegiak berriz, abuztuaren 24tik aurrera eskainiko du zerbitzua. Horrenbestean, liburutegiko erabiltzaileei gogorarazi nahi zaie uztailaren 30a izango dutela uda parterako liburuak hartzeko azken eguna. Beraz: KULTUR ETXEA Azken lan eguna: uztailak 30. Irekitze eguna: irailak 1 LIBURUTEGIA Azken lan eguna: uztailak 30 Irekitze eguna: abuztuak 24. Gimnasioko bazkideek txartelekin sartu ahal izango dute.

15:48

Festetako tiketak salgai

Irailak 5eko herri afariko eta irailak 8ko helduen bazkariko tiketak salgai irailak 2ra arte Ostatuan, Lizar dendan eta Udaletxean.

16:00

Hondartzako XVI. Bolei txapelketa mistoa

16:03

Ikastaroetara izen-ematea

2026-2027 Ikasturteko ikastaroetara izen-emateko azken eguna, irailak 10 izango da.  -lizartza@lizartza.eus -673905685 whatsappez -Udaletxeko bulegoan