Alegiako festetako kamiseta eskuratu nahi dutenek ekainaren 15etik 26ra bitartean eskatu beharko dute Garaikon. Dendatik pasa eta kamisetak probatzeko aukera izango da neurri egokia aukeratzen dela ziurtatzeko. Eskaera egiterako unean egin beharko da ordainketa eta kamiseta bakoitzak 12 euroko prezioa izango du. Banaketari buruzko informazioa aurrerago emango da.

Ekainaren 23an, asteartea, San Joan sua piztuko da plazan. 20:30ean zahagiardoa egingo da eta ondoren piztuko da sua. Ekitaldian herritar talde batek Bordon Dantza abestuko du Txintxarri Abesbatza kultur elkartearen ekimenez eta Sutarri dantza taldeak eta herriko musikariek ere hartuko dute parte.