Asteazkena, ekainak 10

10:00

12:00

Esku hartze-azoka

18:30

22:00

Uztailaren 4ko UTT Erronka proban bolondres izan nahi dutenentzako bilera irekia egingo da ekainaren 10ean

Uztailaren 4an Tolosaldea Ultra Trail Erronka mendi lasterketaren bigarren ekitaldia egingo da. Aurtengoan Alegian izango da irteera eta helmuga eta guztia ondo antolatze aldera, egun horretan esku bat bota nahi duten bolondresei begirako bilera ireki bat egingo da ekainaren 10ean, asteazkena, 18:30ean udaletxean. Laguntzeko prest daudenei bilera horretan parte hartzeko deia egiten zaie.

08:00

Intxurre futbol taldeak 2026-2027 denboraldirako izena emateak zabaldu ditu

Intxurre futbol taldeak zabalik ditu 2026-2027 denboraldirako izena emateak. Intxurren futbolean aritu nahi dutenek ekainaren 15era bitartean eman ahal izango dute izena. Data horretatik aurrera, itxaron zerrenda bat zabalduko da. Alde batetik, 2015etik aurrera jaiotakoak futbol eskolan eman ahal izango dute izena eta bestetik, 2014an edo lehenago jaiotakoek, futbol taldean. Segidan dituzue batean edo bestean izena eman ahal izateko loturak: FUTBOL ESKOLA: hemen.  FUTBOL TALDEA: hemen. 

10:00

Uxue Lasa - Kutxak, gorputzak eta altxorrak

Erakusketa honetan bere ibilbide artistikoaren alderdi pertsonalena erakutsi nahi izan du, urteetan jaso ditudan objektu-altxor kuttunenak kutxetan, ametsak diruditen konposizioak osatuz, eta kutxetatik  kanpo, barruan egon zitezkeen gorputz, izaki  eta paisaia surrealista handiagoak. Begiak, likenak, loreak, harriak, hezurrak, animaliak, gorputzak, bizitza, heriotza… azken finean, natura arte erakusketa bilakatuta.

11:00

Ekainaren 28an Jubilatuen Eguna ospatuko da

Ekainaren 28an, igandea, Jubilatuen Eguna ospatuko da. 11:15ean hildako bazkideen omenez meza izango da eta 14:00etan bazkaria kultur etxean. Bazkarian parte hartu nahi dutenek ekainaren 8tik 12ra bitartean erosi ahal izango dituzte txartelak kultur etxean 11:00etatik 13:00era. Bazkideek 30 euro ordaindu beharko dute eta bazkide ez diren herriko jubilatuek 42 euro.

17:00

‘Emozioak elikaduraren bidez kudeatzea: Sukaldaritza emozionala’ ikastaroa

CEBANCek eta Alegiako Udalak elkarlanean antolatuta, maiatzaren 18tik ekainaren 22ra ‘Emozioak elikaduraren bidez kudeatzea: Sukaldaritza emozionala’ ikastaroa eskainiko da. Saioak astelehenetan izango dira 17:00etatik 20:30era. Ikastaroan parte hartzeko interesa duten herritarrek maiatzaren 6tik 13ra eman ahal izango dute izena. Horretarako, lotura honetan aurkituko duten formularioa bete beharko da. Ikastaroa doakoa izango da.