Eusko Jaurlaritzako Osasun sailburua eta bere taldea Tolosan izan dira gaur, Tolosaldeko hautetsi eta udal ordezkariei etorkizuneko ospitale publikoaren plan funtzionalaren lehen zirriborroa aurkezten.

Osasun Sailburuak aitortu duenez, osasun-zerbitzu publikoaren indartze estrategiko bat izango da Tolosako ospitale publiko berria. Eskualdeko biztanleentzako arreta hurbilago eta eraginkorragoa eskainiko du, eta Gipuzkoa osorako baliabide garrantzitsu bihurtuko da. proiektu hau gardentasunez eta parte-hartze aktiboarekin garatzen ari dela gaineratu dute Eusko Jaurlaritzak eta Osasun Sailak.