Asteartea, azaroak 28

18:00

"Euskaraz bizi gaitezke"

Doako euskaldunen ahalduntze tailerra Atxulondo kultur etxean. 

18:00

Kotoiaren emakumeak erakusketa

Ehun estanpazioan lan egindako Amasa-Villabonako emakumeen bizi-istoriak. Emakumeen historia, emakumeen ahotsekin kontatuta.  Erakusketa abenduaren 15era bitartean ikusgai astelehenetik ostiralera 18:00-20:00 artean eta larunbatetan 11:30-14:00 bitartean.

19:00

Han goian urkiak hostoberritzen direnean-Tertulia literarioa

Azaroaren 28an egingo du hurrengo saioa Galtzaundik sustatutako irakurle taldeak. Oraingoan, Breda Smolnikar idazle Eslobeniarraren Han goian urkiak hostoberritzen direnean eleberria izango da irakurgaia. Irakurle taldearen saioa 19:00etan hasiko da Tolosako Kultur Etxean eta ohiko moduan Yurre Ugartek dinamizatuko du. Lehen Mundu Gerraren aurreko urteetan, Eslovenia, Europako beste herrialde asko bezala, Estatu Batuak, Agindutako Lur berria, helburu duen migrazio masibo batean odolusten ari da. Rozina, emakume bizi eta aktiboa, laster senarra izango duen Brinovc herrikidearekin batera, etorkizun hobe baten bila Atlantikoa zeharkatu zuten itsasontzi ugarietako batean doa. Gizarte ezezagun eta arrotz batean, Rozinak, grinatsu eta ekintzaile, mehatxuak aukera bihurtzeko berezko gaitasuna erakutsiko du, eta horrela lortuko du, adibidez, patarra egiteko eta saltzeko negozio oparo bat aurrera ateratzea, Lege Lehor betean. Gerren arteko garaian, bikoteak, alaba txikia Estatu Batuetan utzita, Europara itzultzea erabakitzen du, han negozioekin jarraitzeko aukera hobeak ikusten baitituzte. Bigarren Mundu Gerraren eztandak Amerikara itzultzeko edozein aukera ukatuko die, eta Rozinak hamaika arrisku eta mehatxuri aurre egin beharko die, harik eta, senarra hil ondoren, azkenean Estatu Batuetara itzuli ahal izango den arte. Han gogor arituko da berriz ere bere familiakoak pobreziatik libratzeko ahaleginean.