Historikoki, Eibarko ekonomia nagusia, sektore industrialei lotuta egon da gaur egun arte. Armagintza, josteko makinak eta bizikletak izan da herriari izana eta izena eman dioten lanbideak, horiek izan dira eibartarren lanbide ezagunenak grabatuarekin eta damaskinatuarekin batera.
Errebalgo Merkatua “Errebal plazia” izena duena, 1941ean eraiki zen eta 2008. urtean eraitsi zen eraikin berria egiteko. Plaza berria aldiz 2022ko apirilean inauguratu zen. Gaur egungo espazioa, erabilera anitzeko gunea da eta bertan egoten dira baserritarrak astelehenetik larunbatera goizeko ordutegian. Hala ere ostiral eta larunbatak izaten dira baserritar gehienek postuak jartzen dituzten egunak. Bertan Eibarko eta inguruko 15 bat ekoizle inguru egoten dira tokiko produktuak saltzen (fruta, barazkiak, arraultzak, esnea…).
