Dagoeneko hirugarren asteburua osatu du Eusko Tren ligak. Larunbatean Bilboko bandera jokatu zen eta igandean berriz, Oriokoa.
Lehenengoan, ibaiadarrean erlojuaren kontra egindako estropadan, bosgarren postua lortu zuen Tolosaldeak. Arraun Lagunak irabazleak baino 19 segundo gehiago behar zian zituen eskualdeko traineruak estropada amaitzeko.
Irene Sierra:
"Bilboko estropada oso gogorra da"
Igandean Orion oso bestelako baldintzak zeuden, itsaso mugitua zegoen. Tolosaldeari lehenengo txandan lehiatzea tokatu zitzaion, nagusitasuna erakutsiz txanda irabaztea lortu zuen, Hibaikari 30 segundoko aldea atera zion. Bigarren txandan Oriok eta Arraun Lagunakek bakarrik egin zuten Tolosaldeak baino denbora hobea. Donostiarra epaileek kanporatu egin zuten, horrek eragin zuzena izan zuen estropadaren sailkapenean.
Irene Sierra:
"Itsasoa oso zakar zegoen"
Asteburuko estropaden ondoren, Tolosaldea sailkapen nagusian hirugarren postuan dago.
EUSKO TREN LIGA. SAILKAPENA:
| Taldea | Puntuak |
| 1- Arraun Lagunak | 36 |
| 2- Orio | 33 |
| 3 - Tolosaldea | 29 |
| 4 - Donostiarra | 26 |
| 5- Hondarribia | 22 |
| 6- Hibaika | 15 |
| 7- Cabo | 12 |
| 8- Tiran | 6 |
Azken hiru asteburuetan estropadak izan ondoren, Eusko Tren ligak atseden hartuko du hurrengo egunetan. Lehia uztailaren 29an itzuliko da, orduan Getxoko bandera jokatuko da, hurrengo egunean Santurtzikoa.
