Garraio Publikoa: Geltoki eta Ibilbide Berriak
Ostegun Gizenetik Hausterre egunera arte, Tolosa erdiguneko geltokiak (Musika Eskola, San Frantzisko eta Geltoki kalea) bertan behera geratuko dira. Zerbitzuak asteazkenean, hilak 18, itzuliko dira ohiko egoerara (10:00ak aldera).
- Behin-behineko geltokiak: Santa Klara kalean eta Kondeaneko aldaparen hasieran egingo dira.
- Hiribusa: Egunero kanpoaldetik ibiliko da (Larramendi > Santa Klara > Kondeaneko aldapa > Paper kalea > Iurre).
- Zerbitzuaren hasiera: Lanegunetan 07:30ean; Larunbatean 08:40ean; Igandean 10:30ean.
- Zerbitzu luzea: Igande, astelehen eta asteartean, azken autobusa 21:25ean aterako da.
Trafikoa eta Aparkalekuak Egunez Egun
|
Eguna |
Aldaketa Nagusiak |
|
Otsailak 12 (Ostegun Gizena) |
Rondilla moztuko da 10:00etan. Aparkatzea debekatuta Barrena, San Frantzisko eta Orian. |
|
Otsailak 13 (Ostiral Mehea) |
Rondilla 09:30ean irekiko da (garbiketa ostean). San Frantzisko eta Orian debekatuta aparkatzea. |
|
Otsailak 14 (Larunbata) |
Rondilla irekita 14:00ak arte. Ordutik aurrera, itxiera osoa jaiak amaitu arte. |
|
Otsailak 15-17 (Zaldunita-Asteartita) |
Erdigunea guztiz itxita (12 puntu). Debekatuta aparkatzea: San Frantzisko, Oria, Nafarroa etorbidea eta Rondillan. |
|
Otsailak 18 (Asteazkena) |
Trafikoa 10:00ak aldera zabalduko da, kaleak garbitu ondoren. |
Udal Zerbitzuen Ordutegi Bereziak
Jaien ondorioz, udal sail gehienek euren ordutegia murriztuko dute edo ateak itxiko dituzte:
- UDATE eta Liburutegia: Ostegun eta ostiralean goizez bakarrik. Astelehenetik asteazkenera itxita.
- Usabal Kiroldegia / Abegi / Musika Eskola: Itxita otsailaren 12tik 18ra bitartean.
- Gizarte Zerbitzuak eta Kultur Etxea: Ostiralean (hilak 13) goizez irekita; gainontzeko egunetan itxita.
- Andragora: Arreta gunea zabalik izango du gauetan (23:30-03:00) otsailaren 12, 15 eta 16an.
- Udaltzaingoa: 24 orduko zerbitzua mantenduko du. Larrialdietarako deitu 943 675 858 zenbakira.
Mugi Tolosa: Inauteriei ongietorria
Gogorarazi dugu, festa giroan murgiltzeko, otsailaren 11n (asteazkena), Mugi Tolosak ibilaldi berezia egingo duela 11:00etan Zerkausitik hasita, txarangaz lagunduta eta amaieran txistorra banaketarekin.
Informazio gehiago nahi izanez gero, Udaltzaingoak oharrak jarri ditu herriko markesina eta gune estrategikoetan.