Hainbat artista ezagun gonbidatu dituzte galara: Iñaki Salvador, Jakes Txapartegi, Simon Ezkiaga, Juncal Cepeda, Olga Grande, Ezezagunok Antzerki Konpainia, Uikan Dantza Taldea eta Verdini Dantza Taldea, besteak beste.
Tolosako Herrikide ikastetxeko DBHko bigarren mailako ikasleek, Ibarrako Goienetxe Fundazioarekin batera, Topic-eko galan parte hartu dute. Musika, dantza eta antzerkia uztartu dituen Kaia barrenean emankizuna eskaini dute. «Esperientzia aberasgarria izan da». Gaitasun artistikoak garatzeaz gain, gaitasun sozialak, emozionalak eta etikoak ere garatu dituztela esan dute ikasleek.