Trinketeko Kluben Arteko Gipuzkoako Txapelketa, Izarkom Sariaren finalak larunbatean Iruran jokatuko dira. Bi jaialdi izango dira Ametsa trinketean, goizean kadeteek eta jubenilek neurtuko dituzen indarrak. Bertan Bear Zanako pilotariak izango dira protagonista. Lehenengo partidan, Kadeteenean Xuhar Iparragirrek eta Aiert Iraolak Oinatz Elosegiren eta Imanol Zufiriaren aurka jokatuko dute. Ondoren, Jubeniletan Peru Cesauk eta Eñaut Oñatek, Iker Izagirreren eta Unai Zufiriaren aurka neurtuko diuzte indarrak. 10:30ean hasiko da jaialdi hori.
Arratsaldean, Nagusien mailetako lehiak izango dira, EPLEko Eneko Sorondok eta Eneko Aranburuk, Kukuko Iñigo Labaka eta Iñaki Errazkinen kontra jokatuko dute 2. mailako finala. Ondoren, lehenengo mailakoan, EPLEko bi bikote izango dira aurrez aurre. Gorriz, Ibon Taberna eta Julen Chiapuso arituko dira; urdinez, Antton Aranburu eta Ruben Santamaria. 16:30ean hasiko den jaialdi hau 28 kanala.eus-en zuzenean jarraitzeko aukera izango da.