Federazioko arduradunen dimisioaren ondoren, probak bertan behera eta manifestaziorako deia

Gipuzkoako Txirrindularitza federazioko kideek dimititu egin dute, ostiralean Donostian egindako batzarrean ziklismoaren inguruan dabiltzan talde eta erakundeekin egindako bileran jakinarazi zuten erabakia Santi Osoro presidenteak eta bere juntakideek. Gipuzkoan harrobiko txirrindu lasterketak egiteko dauden zailtasunak ez dira berriak, egoera salatu asmoz mobilizaziorako deia egin du dagoeneko federazioko presidente ohia den Osorok.