Tolosako Kontseilu Sozialistak jakinarazi duenez, Ertzaintzak pilotakada batez Villabonako gazte bat larriki zauritu zuen igande gauean. Izan ere, haien Twitter kontuan adierazi dute gazte bat baino gehiago zauritu dutela, eta horietako bat modu larrian ospitaleratu dutela.
Adi!
— Kontseilu Sozialista Tolosaldea (@Kontseilua_Tol) February 12, 2024
Bart gauean Tolosan Ertzaintzaren kargak egon ziren. Jaurtigailuekin tiroak bota zituzten bertan zeudenen aurka modu ez bereizian apuntatuz. Horren ondorioz, gazte bat larri zurituta dago. pic.twitter.com/SsRiZhxMhk
Andu Martinez de Rituerto Tolosako Alkateak "gertatutakoa argitzea" eskatu du, hain zuzen ere, jendez gainezka zegoelako tokia erasoa gertatu zenean. "Zauritutako gaztea azkar senda dadila espero dugu", adierazi du sare sozialen bidez.
Martinez de Rituertoren ildo beretik jarraitu du Villabonako Udalak, gertakariak argitu daitezela eskatuz zabaldu baitu txioa Twitterren. Hala, herriko alkate den Beatriz Unzue harremanetan jarri da zauritu duten gaztearen familiartekoekin, Udalaren laguntza helaraziz: "garrantzitsuena tratamendu medikua ondo ateratzea eta gaztea guztiz errekuperatzea".
Jakin berri dut bart Ertzaintzaren karga bat eman dela Alde Zaharrean eta gutxienez gazte bat larri zauritua dagoela pilotakada bat jaso eta gero. Gertatutakoa argitzea eskatu dugu, jendez lepo baitzen inguru hori. Zauritutako gaztea azkar senda dadin espero dugu.
— Andu Mtz. de Rituerto (@AnduRituerto) February 12, 2024
Alkate bezala, harremanetan jarri naiz zaurituaren senideekin, animoak emateko eta Udalaren laguntza eskaintzeko. Alboan izango gara edozertarako.
— Beatriz Unzue (@BeatrizUnzue) February 12, 2024
Garrantzitsuena tratamendu medikua ondo ateratzea eta gaztea guztiz errekuperatzea. Horrela izan dadila.
Gertatutakoa argitu behar da https://t.co/8Ufj2dISbh
Gertatutakoa irmotasunez gaitzesten du Tolosako Kontseilu Sozialistak.