28 Kanalak aste honetan mendi lasterketa hauen inguruko erreportaje bereziak eskainiko ditu, bai Kirolak Tolosaldean saioan baita albistegian ere. Asteleheneko Kirolak Tolosaldean saioan Yashira Navas eta Eider Calahorra korrikalariekin egindako erreportajea ikusteko aukera izango da. Asteazkenean berriz, Iñaki Insausti antolakuntza taldeko kidearekin egindako erreportajea eskainiko dugu.
Webgunean ere proben inguruko informazio zabala eskainiko da. Aurrez aipatutako erreportajeak ikusteko aukera eskaintzeaz gain, aurreko urteetan jokatu ziren proben inguruko saioak berreskuratuko dira.
Igandean, probak jokatuko diren egunean, 28kanala.eus-en korrikalarien adierazpenak, eguneko irudi onenak eta lasterketako sailkapenak kontsultatzeko aukera izango da.
Hilaren 13an saio berezia
Igandean bildutako irudi eta elkarrizketekin 28 Kanalak saio berezia ekoiztuko du. Bertan probak emandako guztia xehetuko da. Saioa ekainaren 13an, gaueko 22:00etan eskainiko da 28 kanalean eta www.28kanala.eus-en.