Artxiboko Neskak izango dira aurtengo iñauterizale kuttuna, eta beraiek izango dute inauterietako txupinazoa botatzeko ohorea. Gipuzkoako Artxibo Orokorraren aurrean jarri ohi ziren talde honek, 80ko hamarkadan sortu zuen konpartsa, eta bi hamarkadaz egin zituzten parodiak. Urtero emakumeak izan dira protagonista nagusiak, hori ohikoena ez zen garai batean. Horregatik, orduko estereotipo guztiak hautsi eta jai parekideagoak sortzeko bide emeateagatik hautatu du Kabi Alai elkarteak konpartsa hori.
Ostegun Gizenean, txupinazoaren aurretik jasoko dute Kabi Alai elkartearen eskutik Kuttuna saria, eta omenaldiaren ostean, Inauterien hasiera iragartzeko suziria jaurtiko dute.
2009an konpartsa moduan ateratzeari utzi zioten, baina oraindik, konpartsako parte-hartzaileek kalerik kale jarraitzen dute inauteriez gozatzen. Aurtengoan ordea, artxibora gerturatuko direla aitortu digute, garai zaharrak gogoratzera.