Zazpi hitzaldi eta mintegi bat Amalur Jardunaldien 19. edizoan

Erredakzioa 2025ko urt. 24a, 12:52

Urtarrilak 30etik apirilak 4arte eskainiko dituzte hitzaldi eta  jardunaldi nagusiak, Topic-en.

Urtarrilak 30 | Mikel Reparaz | Trump 2.0 eta Estatu Batuen etorkizuna | EUS
Mikel Reparaz, nazioarteko kazetari eta idazleak, Donald Trumpen bigarren agintaldiaren eragina aztertuko du gatazka globaletan, hala nola Ukrainako gerran, Palestinako gatazkan eta giza eskubideetan. Reparaz Bruselan eta New Yorken korrespontsal izan da, eta "Las Grietas de América" eta "Amerikaren Arrakalak" liburuen egilea da.

Urtarrilak 31 | Rosa María Calaf, Daniel Landa | Afrikatik bi bidaia | GAZT
Rosa María Calaf, 40 urtetik gorako esperientzia duen eta AEB, Errusia eta Txina bezalako herrialdeetan korrespontsal izan den kazetari ospetsua da. Daniel Landa dokumentalista eta 130 herrialde baino gehiagotan espedizioak zuzendu dituen esploratzailea da. Afrikan egin dituzten bidaien bidez, bertan izandako aldaketa sozial eta naturalak aztertuko dituzte.

Otsailak 7 | Roge Blasco, Francesc Bailon | Inuit herria. Ipar Handiko ehiztariak | GAZT
Francesc Bailon, kultura artikoetan espezializatutako antropologoa da, eta Roge Blasco, bidaietan eta abenturetan aditua den kazetaria. Inuit herri indigenaren bizimodu eta tradizioen inguruko hitzaldia eskainiko dute.

Otsailak 13 | Gonzalo Azumendi | Azumendi unibertsoa. Mundua argazkitan | GAZT
Gonzalo Azumendi, bidaietako argazkilari inspiratzaileenetako bat, bere ibilbide profesionalaren errepasoa egingo du. Bere lanak munduko toki eta pertsonen esentzia harrapatzeko duen grina erakutsiko du.

Otsailak 14 | Josto Maffeo | Hare-granitoak: ezerezean zerbait gehiago dago | GAZT
Saharako esploratzaile eta kazetari italiarrak, basamortuko nomaden artean bizi izandako esperientzien inguruko istorioak kontatuko ditu. Giza harremanetan oinarritutako lotura eta kontakizunekin, kultura-ulermenari egindako ekarpenengatik "Cavaliere" titulua jaso du.

Apirilak 3 | Maria Sanchez | Loratzeko ahalegina | GAZT
María Sanchez albaitaria eta idazlea da. Desagertzeko arriskuan dauden bertako arrazekin lan egiten du eta lau libururen egilea da. Estereotipoetatik urrun dagoen landa-ingurunearen ikuspegi baten berri emango du, zeinak bere garaian, bideak ireki zituen eta eztabaida bizia planteatu zuen. Ahotsa emango die inoiz entzun nahi ez ditugun pertsonei.

Apirilak 4 | Igone Mariezkurrena | Westfjords: Islandia bizikletaz | EUS
Igone Mariezkurrena kazetari eta antropologoak Islandiako fiordo urrunetan bizikletaz izandako esperientzia kontatuko du. Groenlandia, Nepal eta Sahara bezalako lekuetara ere bidaiatu du, eta abentura ikuspegi antropologiko eta jasangarri batekin uztartuko du.

Martxoak 19 eta 20 | Pablo Zulaica | Bidaiarik jasangarriena trenez egiten da. 20 tren bidaia eta bere protagonistak | GAZT
Pablo Zulaica kazetari eta bidaia kronika ugariren egileak, trenaren bidez egin dituen kulturen, paisaien eta bizimodu berrien inguruko aurkikuntzak aztertuko ditu. Mexiko Hirian bizi da, eta El País edo National Geographic Traveler bezalako hedabideetan lan egindakoa da, bidaia eta jasangarritasunaren arteko lotura arakatuz.

EGIN ZAITEZ KOMUNITATEKO KIDE!

Bidali zure izen-abizenak, e-maila, telefono zenbakia eta zure edo zure erakundearen argazki edo logotipo bat hurrengo helbideetara:

WHATSAPP: 695 781 072

E-MAIL: edukia@28kanala.eus


Parte hartu komunitatean