Azken jardunaldiko lehia hau irabazteko gogor lan egin du taldeak. Partida erabakiorra izateaz gain, aurkariaren maila ere nabarmentzekoa da. Lehen itzulian Internacionalen kantxan joktutako lehia, luzapenean galdu zuen TAKEk, denboraldi osoan galdutako bakarra. Larunbatean lehen minututik egindako lan serioak ekarri zuen garaipena poltsikoratzea. Defentsa lan ona egitea izan zen lehia irabazteko gakoa.
Liga erregularra amaituta, bi garaipen behar ditu orain TAKEk mailaz igotzeko. Play off-etako lehenengo partida larunbatean Usabalen jokatuko da, TAKEk Digiarte Hoops izango du aurrean. Lehia hori irabaziz gero, finalean Internacional eta Goierriren arteko irabazlea zain izango dute tolosarrek, kasu horretan hilaren 18an Beasainen jokatuko da partida hori. Orain arte egindako lan ona borobiltzeko aukera bikaina du beraz TAKEk.