Javi Mugikak aipatutako ametsa betetzen ari dela dirudi
Talde urdinak maila handia adierazi du Donipariren aurka. Lehen atalean gol bateko aldearekin joan dira atsedenaldira 2-1eko emaitzarekin. Bigarren atalean beste bi tanto lortu dituzte tolosarrek eta 4-1eko emaitzarekin amaitu da lehia.
Taldea taularen 3. postuan egonkortu da eta 14 partidatatik 3 baino ez ditu galdu. Markel Agirre atezainaren hitzetan "edozeinek nahiko luke Tolosalaren egoeran egon". Jokalariak pozarren badira ere, entrenatzaileak postuak mantentzeko lan handia egin beharko dutela aipatu du.