Talde horitxoak igoerako play offaren borrokan aurkari zuzena den taldeari ezin izan dio aurre egin. Porrot honekin lau puntura du orain Tolosako taldeak igoera fasea jokatzeko aukera ematen duen laugarren postua.
Laskorain KEko gizonezkoen taldeak ez dago boladarik onenean. Larunbatean Usabal kiroldegiko kantxan partiduaren lehenengo zatian Aurrera de Vitoria aurrratu zen markailuan. Atsedenaldiaren ondoren talde horitxoa saiatu bazen ere, ate aurrean ezinean ibili zen. Aurrera de Vitoriak 0-2koa sartu zuenean, lehia erabakita geratu zen.
Azken bost partidutan, lau puntu
Taldea bolada eskasean dago, aurreko astean Lagun Onaken kantxan berdindu egin zuen. Liga amaitzeko 10. jardunaldiren faltan sailkapen taulan seigarren postuan dago taldea, laugarren postua sei puntura dauka. Asteburuan Goraren kantxan jokatuko dute tolosarrek. Bilbotarrak sailkapenaren zuloan daude.