Gipuzkoako Euskal Pilota Federazioaren emankizunak

Nagusien mailetako lehiak izango dira EPLEko Eneko Sorondok eta Eneko Aranburuk, Kukuko Iñigo Labaka eta Iñaki Errazkinen kontra jokatuko dute 2. mailako finala. Ondoren, lehenengo mailakoan, EPLEko bi bikote izango dira aurrez aurre. Gorriz, Ibon Taberna eta Julen Chiapuso arituko dira; urdinez, Antton Aranburu eta Ruben Santamaria.

Ostiral arratsaldean, 19:30 Hernanin, emakumeen eskuz binakako finalak jokatuko dituzte, bi kategoriatan: kadeteak (Alkain Saria) eta nagusiak. Jaialdia, 28kanala.eus-en zuzenean jarraitzeko aukera izango da. 

Elolak eta Perezek ( LAPKE) Etxeberriaren eta Landaen (Tolosa) aurka jokatuko dute Jubenil mailako finalean eta ondoren, Nagusietan LAPKEko Garmediak eta Zubizarretak Tartaloetxeko Azketa eta Elizegiren kontra. 

Kadete mailan, Alkain Sariaren baitako finala, Behar Zanako Illarramendi - Zufiria bikoak LAPKEko Alberdi - Mantzizidorren aurka jokatuko du. Ondoren, Nagusien 1.mailan Tolosa CFko Altuna - Aizpuru eta EPLEko Aranguren - Santxoren arteko partida jokatuko da.