Orendainek Eltxo Trail lasterketaren X. edizioa hartu du larunbat honetan. Euriak eta lokatzak baldintzatutako jaurdunaldian, korrikalariek bi distantziatan lehiatu dira: proba luzean, 21,2 kilometroko ibilbidean, eta motzean, 8,4 kilometrokoan.
Proba luzean, Amets Aranberri aizarnarra izan da azkarrena gizonezkoetan, 1:29:38 denborarekin. Bigarren postuan, Gaizka Lasa (1:34:14) legorretarra iritsi da helmugara, eta hirugarren postuan, Unai Altuna (1:37:53) alegiarra. Emakumezkoetan, Amagoia Iribar oriotarra nagusitu da, 2:00:39 denborarekin. Irati Larrañaga (2:01:16) usurbildarra bigarren izan da, eta Eneida Etxabe (2:07:01) getariarra, hirugarren.
Distantzia motzean, Adrian Pajares lazkaotarrak irabazi du gizonezkoen sailkapena, 35:41 deborarekin. Oier Garaiburu (35:53) berastegiarra bigarren izan da, eta Anartz Azpiroz (36:14) hirugarren. Emakumezkoetan berriz, Norah Muzas donostiarra iza da garaile, 44:21 denborarekin. Eneritz Aramendi (45:56) azpeitiarra bigarren sailkatu da, eta June Lizeaga (48:54) tolosarra, hirugarren
Eguraldiak zailtasun gehigarria erantsi die bi probetako ibilbideei, baina parte-hartzaileek mendiko erronkari aurre egin diote. Bihar, urriak 19, Eltxo Trail X. edizioaren erreportaje osoa egongo da ikusgai 28 kanalean.