Tomás Acebedo izan da markagailua estreinatu duena 13. minutuan, Ibai Valverderen taldea aurretik jarriz. Atsedenaldiaren ostean, Gorka Ruizek aldea handitu du 21. minutuan, eta 0-2koa jarri du markagailuan.
Sala Quintok aldea murriztu du 34. minutuan, Vitor Martinsen eskutik. Horrek emozioa eman dio partidaren azken txanpari, etxeko taldea berdinketaren bila gogor aritu baita. Markagailua, ordea, ez da berriro mugitu, eta CMO Valves Lauburu Ibarrak hiru punturekin itxi ahal izan du ligako lehen jardunaldia.
Emaitzaz harago, partida lehen urrats lehiakorra izan da aurpegi berri ugari dituen talde batentzat. Jokin Murillo eta José Manuel Moreno, atean egindako bi fitxaketa berriak, deialdian izan dira; Álvaro Vázquez, Urko Zubeldia, Miguel León, Tomás Acebedo eta Anxolin, berriz, proiektuaren barruan lehen denboraldia ari dira bizitzen. Pedro Guaglianonek ezin izan du deialdian sartu, transferra dela eta.
Emaitzak sentsazio onekin ekiteko aukera ematen du, baina CMO Valves Lauburu Ibarra berri honen ibilbidea jardunaldiak aurrera egin ahala joango da forma hartzen. Lehen urratsa emanda dago.