Partiduak berriro ere islatu zuen talde gazte, lehiakor eta gose baten hazkundea; jardunaldiz jardunaldi nortasunez eta konpromisoz erantzuten jakin duen taldea. Garaipenari esker, Lauburu KE Ibarra Mahalak presio gutxiagorekin jokatuko du, aurreko jardunaldian matematikoki mailari eustea ziurtatu baitzuen, merezimendu handiz eta bikain lortutako helburua.
Filialaren denboraldia txapela kentzekoa izaten ari da. Jokalari more gazteek kanpaina bikaina osatu dute, partida bakoitzean haziz eta urte osoan egindako lanak saria izan duela erakutsiz. Taldeak hainbat jardunaldi daramatza jarraian hiruna puntu batzen, eta urteko unerik onenetako batean iritsiko da azken txanpara.
Helburuak beteta eta maila ziurtatuta, ibartarrek lasaitasunez ekingo diete ligako azken bi hitzorduei, egindako lana ondo eginda dutela jakinda eta kantxan gozatzen jarraitzeko asmoz. Hurrengo jardunaldian, talde moreak C.D. Beti Araba D13 FUTSAL hartuko du Belabietan, denboraldi gogoangarri bati urrezko amaiera ematen jarraitzeko helburuarekin.
Etxeko lanak eginda, eta nota bikainarekin. Zorionak, txapeldunak.