Erronka latza izan du talde Ibartarrak larunbat honetan
Tauste FSk taularen lidergotza nagusitasunez irabazi du ligan, aragoiko taldeak 53 puntu ditu eta soilik 2 lehia galdu ditu denboraldi osoan.
Lauburu bere aldetik 38 punturekin taulako 4. postuan iritsi da 22. jardunaldira, 5. sailkatuarekiko puntu bateko aldea duelarik. 3 puntuak beraz beharrezkoak ditu Lauburuk laugarren postua mantentzeko eta 5. sailkatua den Zierbenatik aldentzen saiatzeko.
Aragoiko taldea sailkapen taulan ezin hobeto badago ere, partidan lehen zatian ez da nabaritu. Erraztasunez lortu du etxeko taldeak lehen tantoa, eta handik gutxira 2-0koa lortu du talde Ibartarrak. Taustek aukera asko izan baditu ere, jaurtiketa guztietan huts egin du edo geldituak izan dira. Nabarmentzekoa izan da Lauburuko atezainaren lana.
Bigarren atalean aragoiko taldeak markagailua berdintzea lortu badu ere, minutu baten faltan Lauburuk atezain jokalaria erabiliz partida poltsikoan sartu du 3-2koa lortuz. Hiru puntuak Belabietan geratu dira.