Asteartea egun berezia izango da Laubururentzat. Batetik, Belabieta kiroldegiko kantxako obrak amaitu ondoren taldeak berriz ere Ibarran jokatuko duelako eta bestetik, aurrean izango duen taldea punta-puntakoa delako. Nafarroako Xota Osasuna Magna talde indartsuaren aurka neurtuko ditu indarrak talde moreak Kopako laugarren kanporaketan.
Lauburuk aurreko kanporaketan, Bigarren Mailako Wanapix Sala 10 taldeari penaltietan irabazi ondoren etorri zaio Lehen Mailako aurkari baten kontra lehiatzeko aukera. Ligako azken hiru partiduak jarraian galdu dituzte ibartarrek, emaitza bolada kaskarrean da taldea. Hala ere, horrelako lehia garrantzitsua jokatzeko talde moreari ez zaio motibaziorik falta.
Xota Lehenengo Mailako sailkapenean zazpigarren postuan dago, asteburuan Interren aurka galduta iritsiko da Belabietara.
Zita garrantzitsu hau, asteartean iluntzeko 8:00tan hasita jokatuko da.
