Kirol Hamabostaldiaren barruan, kirolari eta kirol elkarteei lehen aitorpen eta omenaldi ekitaldia egin diete Amasa-Villabonan. Bertan, kirol talde eta kirolari askoren lanari aitortza egin ez ezik, azken bi denboraldietan kirolari esanguratsuenei edo hoberenei ere omenaldi berezi bat egin zaie.
Kirol ezberdinetako elkarte askori egin zaie omenaldia; areto futbola, arrauna, igeriketa, futbola, txirrindularitza... Denek aitortza sariak jaso dituzte, eta ekitaldiari amaiera emateko, dantza emanaldi bat ere egin diote omenduei.