Giro ederrean ospatu dute Villabonan Helduen XLI. Herri Krosa. Euria egin duen arren, korrikalariek ez dute eragozpenik izan lasterketa amaitzeko.
Gizonezkoetan, Aritz Garinek (Villabona) lortu du lehen postua, 24'23"-ko denboran eginez. Honen atzetik, Ander Lazkano (Andoain) iritsi da, 25'03"-ko marka lortuz eta hirugarren postuan 25´51"-ko denbora eginez Iker Manso (Tolosa) iritsi da .
Emakumezkoetan, 29'18"-ko denboran iritsi da Irati Larrañaga (Usurbil), lehen sailkatua izanik. Bigarrena Lourdes Colomo (Zizurkil) izan da, 30'24"-ko marka eginez eta hirugarren postuan 33´19"-ko denbora eginez Maite Viquendi (Azpeitia) iritsi da.