Joxe Mari Luengok udalgintza utzi eta erretiroa hartu du. Asteartean Zizurkilgo Udalak egindako Osoko Bilkuran egin zion uko Luengok zinegotzi karguari. 2011tik 2019ra bitartean Zizurkilgo alkate izandakoak, azken sei urteak zinegotzi gisa egin ditu. Lehen legegintzaldian Bildu ordezkatuz arkeztu zen; ondoren, EH Bilduko zerrendetan.
Astearteko batzarrean, lantaldean izan dituen kideak eta lagunak elkartu ziren; bertan, urte hauetan erakutsitako “konpromisoa eta gertutasuna” eskertu nahi izan zizkioten. Maite Amenabar alkateak, hunkituta, agur mezua helarazi zion Luengori “herriaren alde” egindako lana nabarmendu zuen “hemen utzi duzun arrastoa ez da desagertuko".