Intxaur Pilota Txapelketak bosgarren edizioa bete du aurten. Lau eta erdian jokatzen den lehiaketa hau Zizurkilgo Udalak eta Pilotaren Txokoak elkarlanean antolatzen dute. Gizonezkoetan promesa eta elite mailetan jokatuko da txapelketa eta emakumezkoetan kategoria bakarra izango da. Euskal Herriko eta Errioxako pilotariak ikusteko aukera izango da Zizurkilen, horien artean izango dira Ander Perurena, Julen Alberdi eta Itxaso Erasun herritarrak.
Lehen partidak, hilaren 18an
Gizonezkoen kasuan, promesa eta elite mailetako pilotariek final laurdenetan ekingo diote txapelketari. Uztailaren 18,19,24 eta 26an (18:30ean hasita) jokatuko dira lehen fase horretako lehiak. Kanporaketa horietako irabazleek finalaurrekoak abuztuaren 2an eta 9an lehiatuko dituzte. Emakumezkoen kasuan, finalaurrekoetan ekingo diote lehiari; abuztuaren 2an Zabaleta eta Salsamendiren arteko kanporaketa jokatuko da eta hurrengo astean Erasunek eta Arraizak neurtuko dituzte indarrak. Hiru finalak, abuztuaren 14an, 22:00etan, jokatuko dira.
Txapelketa honetako partidak ikusteko sarrera doakoa izango da.
EGUTEGIA
Gizonezkeon Promesa maila
- Uztailak 18, ostirala, 18:30 Cestau - Murua
- Uztailak 19, larunbata, 18:30 Perurena - Olasagasti
- Uztailak 24, osteguna, 18:30 Ibarluzea - Ramirez
- Uztailak 26, larunbata, 18:30 Sarasibar - Egurrola
Gizonezkeon Elite maila
- Uztailak 18, ostirala, 18:30 Astiz - Etxaniz
- Uztailak 19, larunbata, 18:30 Aizpuru - Urbieta
- Uztailak 24, osteguna, 18:30 Alberdi - Mediavilla
- Uztailak 26, larunbata, 18:30 Rekalde - Fernandez
Emakumezkoak
- Abuztuak 2, larunbata, Zabaleta - Salsamendi
- Abuztuak 9, larunbata, Erasun - Arraiza