Larunbat arratsaldean jokatuko da Zizurkilgo Duatloiaren bigarren edizioa

Aurten  sprint modalitateko Euskadiko txapelak proba honetan banatuko dira. Duatloiak bi berrikuntza izango ditu: Batetik, kirolari federatuekin batera kirolari herrikoiek ere proban parte hartzeko aukera izango dute. Bestetik, boxeak  Joxe Arregi plazan kokatu beharrean, Danena futbol zelaian jarriko dute.

Gizonezkoen proba arratsaldeko 4:15ean hasiko da, bost minutu ondoren emakumezkoena. Ibilbideari dagokionean, lasterketaren irteera  Joxe Arregi plazan kokatuko da, korrikako sektoreak Fraisororako bidean eta Ubare auzoan zehar egingo dira. Bizikletakoakoan Aduna eta Zizurkil goia pasa beharko dituzte parte hartzaileek.