Danok Danena Halterofilia Klubak emaitza bikainak lortu ditu asteburuan Oviedon jokatu den 15 Urtez Azpiko Espainiako Txapelketan. Sei urrezko domina eta brontzezko hiru ekarri dituzte Asturiastik.
Eneko Mesak eta Ander Rodriguezek, Espainiako Txapeldun izatea lortu dute hiru modalitatetan; abiadan, kargatze eta altxatzean eta biatloi olinpikoan. Mesak, 70 kiloko kategorian lortu du urrezko domina eta Rodriguezek, 75 kiloan.
Christian Agbonsek bere aldetik, abiada modalitatean brontzezko domina kolkoratu du. Jokin Ortiz de Muruak berriz, brontzezko bi ekarri ditu, biatloi olinpikoan eta kargatze eta altxatze modalitateetan.