Gipuzkoako Herriarteko Pilota Txapelketan, eskuzko modalitatean, asteburuan jokatuko dira final zortzirenen kanporaketako lehenengo lehiak. Amasa-Villabonak, Bergara hartuko du etxean (ostirala, 18:30); Albizturrek, Zaldibia (igandea 17:30); Adunak, Zestoa (ostirala 18:30) eta Amezketak, Azpeitia (ostirala 19:00).
Eskualdeko bi ordezkari dira dagoeneko lehiatik kanpo geratu direnak: Alegia eta Zizurkil. Aretxabaletak irabazi die txintxarriei eta aiarrek, zizurkildarrei.
Gomazko paletan, hirurak aurrera
Gomazko paleta modalitatean, eskualdeko hiru partaideek gainditu dute lehenengo kanporaketa. Alegiak, Eibarri irabazi dio, Tolosak Zumarragari eta Anoetak Errenteria utzi du kanpoan. Kasu honetan ere, asteburuan jokatuko dira final zortzirenen joaneko lehiak. Alegiak, Oiartzunen kontra jokatuko du; Tolosak, Lasarte -Oria izango du aurrean eta Anoetak, Donostia. Txintxarriek igandean (17:00) jokatuko dute, Beotibarren larunbatean (18:30) izango da jaialdia eta Anoetan, ostiral iluntzean (20:30).