Gipuzkoako Foru Aldundiak gaur gauean hasiko du A-15 errepideko tunelen birgaitze integraleko lanen azken fasea. Zehazki, Gorosmendi eta Oindolarreko tuneletako lanak amaitzea aurreikusten dago, eta, ondorioz, trafikoarentzat erabat irekiko dira, hainbat hilabetetako lanen ondoren. Jarraian, Belabietako tunelean obrak hasiko dira, Donostiarako noranzkoan, berritzeko dagoen azken zatian. Fase hori gauzatu ahal izateko, aurkako noranzkoko hoditik behin-behineko bypass bat prestatu beharko da. Lan hauek egiten ari diren bitartean zama arriskutsuak dituzten ibilgaileun pasabidea mugatu egingo da. Errepide zati horretan 4,5 metroko altuera baino gehiago duten duten ibilgailuek ezingo dute pasa, ezta 3 metro baino zabalagoek edo 20,5 metro baino luzeago direnek ere.
Aldaketa hori dela eta, A-15 errepidea erabat itxiko da noranzkoetan, gaur gaueko 22:00etatik astelehen goizeko 06:00etara, Berastegiko lotunetik Sorabillako lotunera bitarteko zatian. Gorosmendi eta Oindolarreko tuneletako behin-behineko seinaleztapen- eta euste-sistemak kenduko dira eta Belabietako tunelean gailu berriak jarriko dira.