Leidor Aretoa
Astero bezala, osteguneko zine forumarekin hasiko da zinema karteldegia, Cien Flores filmarekin. Ostegunean 20:30ean eskainiko da. Yurikoren memoria aabiadura bizian ari da hondatzen, dementzia baitu. Hala ere, bere seme Izumiren ustez, gertaerak, berriki bizi zian balitu bezala oroitzen ditu. Baina bizipen baten oroitzapenak harrapatu eta sufriarazi egiten du bereziki.
Larunbatean eta astelehenean 19:00etan La chica de la aguja eskainiko da. Karoline haurdun eta langabezian dagoen gazte bat da, eta Lehen Mundu Gerraren ondorengo Kopenhagen bizirauteko borrokan dabil. Adineko emakume karismatiko batek etxean hartu du, eta adopzio-agentzia klandestino bat zuzentzen lagunduko dio. Ustekabeko lotura eratuko dute biek, bat-bateko aurkikuntza batek dena aldatu duen arte.
The Alto Knights larunabtean 21:30ean eta igandean 19:30ean eskainiko da. Filmak New Yorkeko krimen antolatuaren bi buruzagi nabarmenei jarraitzen die: Frank Costello eta Vito Genovesen hiriko kaleak kontrolatzeko lehian. Lagunik onenak izan ondoren, jeloskortasun zeken batek eta hainbat traiziok talka hilgarri batera eraman dituzte, eta horrek mafiaren (eta Amerikaren) forma betiko aldatuko du.
Haurrek, Basatiak ikusteko aukera izango dute igandean 17:00etan.Borneon, oihan tropikalean kokatutako herrixka batean, bizi da Keria, eta orangutan kume bat aurkituko du aitak lan egiten duen olio-palmondoen landaketan. Natura biziki maite du eta basoa suntsitzearen aurka borrokatuko du, Selai izeneko bere lehengusuarekin batera. Abentura honi esker bere jatorriarekin konektatzeko aukera izango dute.
Gurea Antzokia
Aste honetan, Villabonan, Anora filma eskainiko da, larunabtean 19:30 eta 22:00etan, eta astelehenean 19:30ean. Brooklyngo prostituta gazte bat da Anora eta Errauskineren istorio bat bizitzeko aukera suertatu zaio. Errusiako oligarka baten semearekin ezagutu eta berarekin ezkondu da. Albistea Errusiara iritsi denean, haren ipuin maitagarria arriskuan jarriko da; izan ere, mutilaren gurasoak New Yorkera joango dira ezkontza bertan behera uzteko asmoz.