Leidor Aretoa
Ostegunean eskainiko da lehen filma, zine forumean, 19:30ean. The Brutalist filmak László Toth-en istorioa kontatzen digu. Gerraosteko Europatik ihesi, alde egin duen arkitekto ameslaria. Estatu Batuetara iritsi da, bere bizitza, lana eta Erzsébet emaztearekin izandako ezkontza berreraikitzeko. Izan ere, gerran banandu egin behar izan zuten, mugak eta erregimenak aldatu zituztelako. Bakarrik, eta berarentzat erabat ezezaguna den herrialde berri batean, László, Pennsylvanian finkatuko da. Bertan, Harrison Lee Van Buren, enpresari aberats eta ospetsuak, arkitekturarako duen talentua aitortuko dio baina boterea metatzeak eta ondarea sortzeak badu bere prezioa...
Larunbat eta astelehenean 19:00etan Nosotros filmaren txanda izango da. Ángela eta Antonio bikote bat dira, eta, beste asko bezala, maitemindu egin ziren, amets bat bizi izan zuten, alaba bat izan zuten, amore ez emateko ahaleginak egin zituzten eta behin baino gehiagotan erori ziren. Amodioa bukatzen denean, galderak sortzen dira: non okertu zen dena? nola amaitu dugu horrela? Elkarren arteko harremanaren argi-ilunetan barrena, Angelak eta Antoniok prekarietatearen, desioaren interferentzien edo maitasunaren idealizazioaren aurka borrokatuko dute.
Los Aitas filma larunbatean 21:30ean eta igandean 19:30ean eskainiko da. 80. hamarka amaierako Bilboko langileen periferian, gimnasia erritmikoko haur-talde bati Berlingo txapelketa batean parte hartzeko aukera sortu zaio. Amek ezin, eta, aiten esku geratuko da bidaia hori. Baina dirudienez, ez dute interes handirik ez bidaian, ez kirolean, ezta beraien alabengan.
Haurrentzat Policans filma eskainiko da larunbatean 17:00etan. Polizia-txakur leial batek eta haren agenteak larriki zauritzen dira lanean dauden bitartean. Operazio zentzugabe baten bidez bakarrik salba daitezke. Operazio horretan, biek bat egin eta Polican bihurtuko dira.
Gurea Antzokia
Amasa-Vilalbonako kasuan Los Aitas filma ikusteko auekra izango da baita ere, zehazki, larunbatean 19:30 eta 22:00etan eta astelehenean 19:30ean.