Zinema karteldegia

Maider Navarro Alustiza 2025ko mar. 19a, 10:00

Aste honetako filmak Arantzazu, En la alcoba del sultan, Grand tour, Tierra baja, Loony Tunes: Lurrak eztanda egin zuen eguna eta El secreto del orfebre izango dira.

Leidor Aretoa

Aste honetako zinema karteldegia asteazkenean hasiko da Arantzazu. 36 ZM, 5 mendi, herri 1 filmarekin 19:30ean eskainiko dena. Fraide frantziskotarrek 500 urtetik gora daramatzate Arantzazun, Andra Mariaren irudia aurkitu zenetik. Beraien motibazio erlijosotik, ondare immaterial baliotsua eman diote herriari, frantziskotarrentzat Anaidia, komentua ez ezik, gizartea ere badelako, Euskal Herria, mundua.

 

Ostegunean jarraituko du zine forumarekin. Kasu honetan, En la alcoba del sultan filma eskainiko da 20:30ean. 1901ean, Gabriel Veyre frantziarrak, Lumière anaien sortzaile eta kamera-operadoreak, Sultan agurgarriaren proposamen ukaezina onartu eta Nour herrialde exotikoan lehorreratuko da, Ekialdera zinemaren misterioak eramate asmotan.

Larunbatean eta astelehenean 19:00etan Grand Tour filmaren txanda izango da. Edwardek, Britainiar Inperioko funtzionarioak, ihes egin du bere emaztegaia, Molly, ezkontzeko iritsi denean. Bidaian, ordea, izuak melankoliari bide emango dio. Bere bizitzako hutsunea ikusita, Edward koldarrak Mollyri zer gertatu ote zaion galdetzen dio bere buruari... Ezkontzeko erabakia hartuta eta Edwarden jokaldiagatik dibertituta, Mollyk arrastoa jarraitzen dio Asian zehar.

Tierra baja larunbatean 21:45ean eta igandean 19:30ean eskainiko da. Carmen, gidoilari ezaguna, duela urtebete erretiratu zen Teruelgo herri bateko masia bakarti batera. Han, amonarengandik jasotako etxaldean oliba-uzta handitzen saiatzen da, miresten duten bi lagunen eta Damian, neska gustoko duen mutilaren laguntzarekin. Baina aspaldiko maitale bat azalduko da berriz, sekula ez duela ahaztu esateko.

Haurrek ere izango dute aukera beraiei zuzendutako pelikula ikusteko Loony Tunes: Lurrak eztanda egin zuen eguna hain zuzen, igandean eskainko dena 17:00etan. Porkyk eta Lucasek Lurra suntsitzeko konplot estralurtar maltzur bat deskubritzen dute. Nahi gabe, abentura zoro batean murgiltzen dira espazioan zehar, Looney Tunes-en umore kaotiko eta eszena dibertigarriz beteta. Bi lagunek ez dakite nola kudeatu egoera, baina, hala ere, gizateriaren azken itxaropena bihurtzen dira, inork eskatu ez badu ere.

Gurea Antzokia

Gurea Antzokiko kasuan El secreto del orfebre filma eskainiko da, larunbatean 19:30ean eta 22:00etan eta igande eta astelehenean 19:30ean. Juan Pablo urregile ospetsua da, eta Espainiatik New Yorkera doa bere lanari buruzko erakusketa bat ikustera. Bidean bere jaioterria bixitatuko du, bere iragana eta bizitza markatu zuen maitasun handia gogoraraziko dion bidaia burutz.

Haurrentzako, Leidorreko eskaintza berbera izango da ikusgai, Loony Tunes: Lurrak eztanda egin zuen eguna, larunbat eta igandean  17:00etan

EGIN ZAITEZ KOMUNITATEKO KIDE!

Bidali zure izen-abizenak, e-maila, telefono zenbakia eta zure edo zure erakundearen argazki edo logotipo bat hurrengo helbideetara:

WHATSAPP: 695 781 072

E-MAIL: edukia@28kanala.eus


Parte hartu komunitatean