Martxoaren 20tik 30era, Loatzo musika eskolako 50 ikasle eta irakasle Kataluniara abiatuko dira Vilafranca del Penedes herriko musika eskolarekin elkartrukea egiteko.
Hainbat abesti prestatu dituzte elkarlanean, bi kulturak batzen dituen errepertorioa landuz. Trikitixa, banda, kitarra, eskusoinu eta pianoko ikasleek hartuko dute parte, hain zuzen.
Asteburuari hasiera emango dion ekitaldia bertako udaletxean egingo da: alkate eta udal ordezkarien harrera egingo diete Loatzoko ikasle eta irakasleei, eta hauek, euskal musikarekin adieraziko diete haien esker ona. Hortik aurrera, bi egunetan zehar kalejirak emanaldiak, irrati saioak, musika eta dantza emanaldiak eskainiko dituzte bertako bi ikastetxeetan.
Azaroan etorriko dira Tolosaldeara Vilafranca del Penedeseko musika eskolako ikasleak, elkartrukearekin jarraituz. Hala, musika eskolako ikasleen formakuntzan positiboki eragiteaz gain, herritarrak kultura eta hezkuntzaz aberastea lortuko dutela diote.
2013 urtean hasi zuten Loatzo eta Vilafranca del Penedeseko musika eskolek elkarlaneko proiektu hau. Pandemia iritsi zela-eta geldialdi bat egitera behartuta ikusi ziren, eta aurtengoa izango da elkartrukeak berrartuko dituzten urtea.