Leidor Aretoa
Memorias de un caracol filmarekin hasiko da aste honetako karteldegia, ostegunean 20:30ean. Australia, 70. hamarkada. Grace Pudel neskato bakarti eta moldakaitza da. Barraskilo dekorazio-irudien bilduma egin eta eleberri erromantikoekiko debozio handia duen neskatoa. Aita hil zaio eta anaia bikiarengandik (Gilbert) banandu behar izan du. Honek, antsietate- eta larritasun-espiral batean barneratu du.
Larunbatean eta astelehenean 19:00etan A complete unknown filmaren txanda izango da. 60. hamarkadan, New Yorkeko eragina duen musika-eszenan dago girotuta 'A Complete Unknown'. Minnesotako Bob Dylan, 19 urteko folk-abeslariaren igoera izugarria kontatzen du filmak, kontzertu-aretoetara eta kantu-zerrenda arrakastatsuenetara nola iritsi zen. Dylanen abestiak eta mistika, mundu mailako fenomeno bihurtu ziren, eta 1965ean amaitu zen Newport Folk Festivalen rock elektrikoko emanaldi urratzailearekin.
El secreto de Orfebre filmaren txanda izango da igandean 19:30ean. Juan Pablo urregile ospetsua da, eta Espainiatik New Yorkera doa bere lanari buruzko erakusketa bat ikustera. Bidean bere jaioterria bixitatuko du, bere iragana eta bizitza markatu zuen maitasun handia gogoraraziko dion bidaia burutz.
Haurrek ere izango dute beraiei zuzendutako pelikula ikusteko aukera, Super Wings: Maxima velocidad filma hain zuzen. Igandean eskainiko da 17:00etan. Munduko hegazkin azkarrenak, Sky-k, planeta salbatu behar du jostailuen gaizkilearengandik. Billy Willy bilauak YouTubeko izarrak bahitu eta espaziora jaurtitzeko plan beldurgarria prestatu du, jostailuak ezezagun bihurtu diren mundu batean. Skyk Lurra salbatu ahal izango du Maximum Speed-ekin?
Gurea Antzokia
Villabonako kasuan, larunbatean 19:30 eta 22:00etan, eta igande eta astelehenean 19:30ean The Brutalist filma ikusteko aukera izango da. Gerraosteko Europatik ihesi, László Toth arkitekto ameslaria, Estatu Batuetara iritsi da bere bizitza, lana eta Erzsébet emaztearekin izandako ezkontza berreraikitzeko. Izan ere, gerran banandu egin behar izan zuten, mugak eta erregimenak aldatu zituztelako. Bakarrik, eta berarentzat erabat ezezaguna den herrialde berri batean, László, Pennsylvanian finkatuko da. Bertan, Harrison Lee Van Buren, enpresari aberats eta ospetsuak, arkitekturarako duen talentua aitortuko dio baina boterea metatzeak eta ondarea sortzeak badu bere prezioa...