Leidor Aretoa
Zine Forumarekin hasiko da aste honetako karteldegia, La luz que imaginamos pelikularekin. Ostegunean eskainiko da 20:30ean.Mumbaiko Prabha erizainaren errutina aldatu egin da, Alemanian lan egiten duen bere senarraren ustekabeko oparia jaso baitu. Bestalde, Anu, bere pisukide gaztea, hirian mutil-lagunarekin bakarrik egoteko toki bat aurkitu nahian dabil. Kostaldeko hiri batera egindako bidaia bati esker, espazio bat aurkituko dute beren nahiak azaleratzeko.
La ultima reina filma Ingalaterrako errege izan zen Enrike VIII.aren Tudor gorte odoltsuan girotua dago. Baina filma, Enrikeren seigarren eta azken emaztea, Katalina Parr-en ikuspegitik kontatua dago, erbesteratzea edo heriotza saihestu zuen emazte bakarra. Filma larunbatean 19:00etan eskainiko da.
Larunbatean 21:30ean eta igandean 19:30ean hain ezaguna den Bridget Jonesen film berriaren txanda izango da, Bridget Jones: Loca por él. Bridget bakarrik dago, duela lau urte alargundu baitzen. Billyren eta Mabelen ama da, eta linbo emozional moduko batean dago, bere lagun minen eta bere maitale ohiaren laguntzarekin haurrak zaintzen dituen bitartean. Eskolako ama perfektuez epaitua izanik, aitaren heriotzera ohitu ez den semeaz arduratu beharko du, semearen zientzia-irakasle oso arrazionalarekin harramena berezia eraikitzen duen bitartean.
Haurrentzat Paddington: Aventura en la selva filma eskainiko da igandean 17:00etan. Paddington eta Brown familia izeba Lucyrengana joago dira Perura, baina misterio batek Amazoniako oihanera eta Peruko mendietara bidali ditu.
Datorren astean, martxoaren 10etik 12ra Medi Tour jaialdia ospatuko da.
Gurea Antzokia
Larunbatean 19:30 eta 22:00etan eta astelehenean 19:30ean Maria Callas filma izango da ikusgai. Munduko opera-kantari garrantzitsuenaren istoria zalapartatsu, eder eta tragikoa. 70. hamarkadan Parisen eman zituen azken egunetan kontatuko dizkigu.