Aurtengo kirolgalan Ireati Lacunza tolosarra eta Jokin Altuna amezketarra omendu dituzte.
Irati Lacunzak, Tolosako urpeko igerilariak eta 400 eskafandra-modalitatean munduko txapeldunordeak, emakumezkoen Gipuzkoa Kirolak saria jaso zuen eta bere diskurtsoan hegats-igeriketari eta bera bezala egunero bere burua gainditzeko eta emaitza bikainak izateko gogor entrenatzen duten kirolariek egiten duten ahaleginari garrantzia eman zien.
Jokin Altuna amezketarrari, berriz, denboraldi honetan lortutako merituengatik eman diote saria, hain zuzen ere, bere hirugarren buruz buruko txapela lortu du. Aurten, gainera, hamar urte bete ditu pilotari profesional gisa. Inaxio Errandoneak jaso zuen saria.