Igandean, goizeko 10:00etan hasiko da lasterketa Zizurkilen eta 13:30ak aldera amaitu Asteasun. Aiztondo bailarako ohiko zirkuituari lau buelta emango zaizkio hasieran, bosgarren itzulian Anoetatik gora Alkizara joango dira txirrindulariak eta ondoren, berriz ohiko zirkuituari bi buelta emango dizkiote. Amaieran, Zizurkilgo Muga Ranch-era igo beharko dute txirrindulariek, handik Sarasola sagardotegitik pasaz, Asteasura iritsiko dira. Azken buelta hau bigarren aldiz amaitzean bukatu da lasterketa, 139 kilometro izango ditu denera.
Irteera puntuan, beste behin, Afizionatu mailako ziklista onenak elkartuko dira. Espainiako Kopak proba izanik, maila honetako talde onenak etorriko dira Aiztondora.