Tolosako Udalak ostegunean Tolosako Udaltzaingoko agenteek jasan zuten erasoa arbuiatu du. Andre Maria kalearen atzealdean gertatu zen erasoa. Gertakariaren aurrean, "erabatekoa arbuioa" adierazi du erakundeak, agenteei elkartasun eta babes osoa helarazi nahi izan dizkie.
Udalak kaleratutako oharrak, elkarrekiko errespetuaren eta elkarrizketaren aldeko konpromisoaren aldeko deia egiten du. "Indarkeriazko edozein jokabide onartezina da, eta kasu honetan udal langileen aurkakoa, herritarren segurtasuna eta elkarbizitza bermatzeko ardura duten profesionalen aurkakoa, hain zuzen ere".