Irailaren 25ean hasi eta urtarrilaren 9ra arte, 22 kultur ekitaldi izango dira Leidorren eta Topicen. Musika, dantza eta antzerkia eskainiko dira bereziki, baina baita bestelako emanaldi batzuk ere. Udalak ez ezik, beste eragile eta sustatzaile pribatu batzuk antolatutakoak ere jaso dira udazkeneko kultur programazioan.
Programazioari hasiera emateko, Xake Produkzioak taldeak Sidari antzezlana estreinatuko du irailaren 25ean Leidorren. Hurrengo hilabeteetan, izen handiko artistak igaroko dira oholtzatik: Olaia Inziarte (urriak 16), Mirua talde tolosarra (abenduak 29) eta Makilhotsak dantza eta antzerki ikuskizuna (abenduak 18). Halaber, azaroaren 6an Palestinaren aldeko kontzertu berezia egingo da Janus Lester, Mirua eta Olaia Inziarterekin, besteak beste. Haurrei begirako ikuskizunak ere jasotzen ditu egitarauak, hala nola, musika eta narrazioa uztartzen dituen Xirribit emanaldia (Euskal Barrok Ensemble), Ene Kantak proiektuaren Amagoia Dragoia eta Lasala dantza taldearen Alai Familian.
Eszena Bonua
Kultur eskaintzaz ahalik eta modu onenean gozatzeko, Udalak Eszena Bonua jarri du eskuragarri online (leidorantzokia.janto.es) eta leihatilan, 45 euroren truke (sarrera horiek banan-banan erosiz gero, 90 euroko kostua lukete).
10 emanaldi hauetarako balio du bonuak:
-Sidari (Xake Produkzioak)
-Olaia Inziarteren kontzertua
-iZuloa (Komorebi Produkzioak)
-Xirribit (Euskal Barrok Ensemble)
-Desobedienteak 18/98 (Ttanttaka Teatroa)
-Alai Familian (Lasala)
-Itzulera (Dejabiru)
-Amagoia Dragoia (Ene Kantak)
-Makilhotsak (Oinkari eta Hika Teatroa)
-Euskal Herriko Gazte Orkestraren emanaldia
Aukera baliatu nahi dutenek, bonuarekin batera, joan nahi duten ikuskizun bakoitzerako sarrera eskuratu behar dute, bonuko kodea erabilita. Bihar arte, uztailak 24, lehentasuna izango dute bonudunek sarrera horiek lortzeko; baina behin epe hori pasata, uztailaren 25etik aurrera (larunbata), salmenta ikus-entzule guztiei zabalduko zaie.
Egitaraua
Irailak 25, ostirala. Leidor antzokia. 20:00.
Sidari - Xake Produkzioak
Irailak 27, igandea. Leidor antzokia. 12:30.
La Cenicienta
Urriak 2, ostirala. Leidor antzokia. 20:30.
Perdido en los 80 – Diego Sánchez
Urriak 4, igandea. Leidor antzokia. 12:30.
Loa eta Laia – Vitamin Producciones
Urriak 9, ostirala. Topic. 20:00.
Lur – Maddi Oihenart eta Juantxo Zeberio
Urriak 16, ostirala. Leidor antzokia. 20:00.
Zerrautsa eta Zura – Olaia Inziarte
Urriak 18, igandea. Leidor antzokia. 12:30.
Dreaming Bubbles
Urriak 23, ostirala. Leidor antzokia. 20:00.
iZuloa – Komorebi Produkzioak
Urriak 30, ostirala. Topic. 20:00.
Haltzak Dardarka – Garazi Esnaola
Azaroak 6, ostirala. Leidor antzokia. 20:30.Palestinaren aldeko kontzertua: Olaia Inziarte, Mirua, Janus Lester, Nur eta Ahmed...
Azaroak 7, larunbata. Leidor antzokia. 17:00.
Xirribit – Euskal Barrok Ensemble
Azaroak 13, ostirala. Leidor antzokia. 20:00.
Desobedienteak 18/98 – Ttanttaka Teatroa
Azaroak 14, larunbata. Leidor antzokia. 17:00.Alai Familian – Lasala dantza taldea
Azaroak 20, ostirala. Leidor antzokia. 19:30.
Xexili eguneko kontzertua: Tolosako Musika Banda + Tolosako musika taldeak
Abenduak 11, ostirala. Leidor antzokia. 20:00.
Itzulera – Dejabu
Abenduak 12, larunbata. Leidor antzokia. 17:00.
Amagoia Dragoia – Ene Kantak
Abenduak 18, ostirala. Leidor antzokia. 20:00.
Makilhotsak – Oinkari dantza taldea eta Hika Teatroa
Abenduak 19, larunbata. Topic. 19:30.Birakabareta – Intujai
Abenduak 29, asteartea. Leidor antzokia. 19:00.
Gazte eta Lorios - Mirua
Urtarrilak 2, larunbata. Leidor antzokia. 19:00.
Mundua Eder – Mikel Urdangarin
Urtarrilak 4, astelehena. Leidor antzokia. 18:00.
Euskal Herriko Gazte Orkestra
Urtarrilak 9, larunbata. Leidor antzokia.
Go!azen 13