CMO Kluben Arteko Liga igandean bukatuko da. Finalera Tolosa eta Leitzako Aurrera klubak iritsi dira. Tolosarrek Larrauni irabazita lortu dute azken lehian parte hartzeko txartela, igandean Betelun jokatutako jaialdian 1-2 nagusitu ziren tolosarrak. Leitzako taldearen kasuan, larunbatean Iruñeko Labriten LAPKEren aurka jokatu zuen, 2-1eko emaitzarekin irabazita iritsi dira leitzarrak finalera.
Txapela nork jantziko duen igande goizean Beotibarren erabakiko da, 10:45ean hasiko da jaialdia.