Slow Times (19:30ean, Gipuzkoa plazan): Zarautzen 2016an sortutako taldea da, Iker Urkiri gitarra-jotzailearen proiektu gisa abiatu zena. Gaur egungo laukoteak energia, sentiberatasuna eta soul dosi handiak eskaintzen ditu eszenatokian. Texasko eta Chicagoko bluesa, swinga eta rock and roll klasikoa uztartzen dituzte, nortasun handiko zuzenekoa eskainiz.
Big Dani & The Rhythm Kings (23:00etan, Txurrerrian): Gauak aurrera egin ahala, Big Dani Perezen txanda izango da. Estatuko saxo-jotzaile erreferenteetako bat da, eta txikitatik aritu da haize-instrumentuak jotzen. Rock and rolla, jump bluesa eta boogie woogiea erraz menderatzen ditu, eta hiru hamarkadaz aritu da The Big Jamboree talde ezagunean.