Tolosako Udalak prest du 2026. urteari dagokion egutegi fiskala. Dokumentu honetan jaso ditu zerga eta tasa nagusiak ordaintzeko borondatezko epe guztiak, eta herritarrek udal webgunean kontsultatu dezakete xehetasun osoz.
Herritarrek kontuan hartu beharko dute ordainketak egiteko prozedura ezberdina dela ordainagiria helbideratua egon ala ez: Helbideratutako erreziboak:
- Borondatezko epearen azken egunean kobratuko dira zuzenean banku-kontuan.
- Helbideratu gabeko erreziboak: Herritarrek posta arruntez jasoko dute ordainketa-dokumentua.
- Ohar garrantzitsua: Ordainagiria etxean jasotzen ez bada, Udaletxera jo beharko da kopia bat eskatzera (Plaza Zaharra 6 A), astelehenetik ostiralera, 07:30etik 14:00etara.
2026ko Zerga eta Tasen Egutegia
Hona hemen zerga garrantzitsuenak ordaintzeko finkatutako epeak:
- Urtean behin ordaintzen direnak
| Zerga / Tasa | Borondatezko epea |
| Ibilgailuen zerga | Martxoak 1 - Apirilak 15 |
| Ondasun Higiezinen Zerga (IBI) | Maiatzak 15 - Ekainak 30 |
| Zaborra, Pasabideak, Autotaxia eta Kutxazainak | Ekainak 1 Uztailak 7 |
| Jarduera Ekonomikoen Zerga (IAE) | Urriak 1 - Azaroak 10 |
| Baratzeak | Urriak 1 - Azaroak 10 |
- Etxez etxeko laguntza: Hilero (hurrengo hileko 20. egunean).
- Azokak eta Terrazak: Hiruhileko bakoitzeko 2. hilabeteko 15etik, 3. hilabeteko 15era.
- Belena patioa: Bi epe (Ekainak 1 – Uztailak 7 eta Urriak 1 – Azaroak 10).
Hobariak eta salbuespenak eskatzeko epea
Udalak gogorarazi du obariak edo salbuespenak eskatzeko epea zorrotza dela: urtarrilaren 1etik otsailaren 19ra arte eta ez dituztela onartuko epe horretatik kanpo egiten diren eskaerak.
Honako kontzeptuengatik eska daitezke laguntzak:
- IBI: Familia ugariak, Bizigune/ASAP programak edo energia berriztagarriak jartzeagatik.
- Ibilgailuak: Desgaitasuna, ibilgailu historikoak, elektrikoak/hibridoak edo nekazaritzako makineria.
- Zaborra: Egoera ekonomikoagatik edo autokonposta/auzokonposta egiteagatik.