Tolosako Udalak arratsaldeko 18:30ean egingo du ekainari dagokion Osoko Bilkura. 28 Kanalak, ohiko moduan, zuzenean eskainiko du batzarra telebistan zein webgunean. Gai ordenean 13 puntu daude:
1. Onartzea, hala badagokio, 2025eko maiatzaren 29an egindako aurreko ohiko bilkuraren (5/2025) akta.
2. Onartzea, hala badagokio, Udaltzaingoko ofizialorde-lanpostuaren balorazio-berrikuspenaren irizpena.
3.Onartzea, hala badagokio, Trafikoko koordinatzaile-lanpostuaren balorazio-berrikuspenaren irizpena.
4. Onartzea, hala badagokio, Udaltzain-lanpostuaren balorazio-berrikuspenaren irizpena.
5. Onartzea, hala badagokio, irizpen hau: Eusko Jaurlaritzako Lurralde Plangintza, Etxebizitza eta Garraio Sailari eskaera egitea Tolosako udalerria bizitegi-merkatu tenkatuko eremu izendatzeko.
6. Onartzea, hala badagokio, Tolosako irisgarritasun unibertsalaren plan integralaren irizpena.
7. Onartzea, hala badagokio, Tolosako HAPOko Ondarearen Udal Katalogoan hiriguneko txalet tipologiako eraikinak, bizitegi-eraikin kolektibo zein eraikin instituzionalak sartzeko eraikinen ondare-azterketa eta fitxak.
8. EAJ/PNV Udal taldeak aurkeztutako proposamena: Uzturreko Gurutzea Tolosako Udalaren hiri antolamenduko plan orokorraren “3. dokumentuan-katalogoan” sartzea.
9. EAJ/PNV eta PSE-EE/PSOE Udal taldeek aurkeztutako proposamena: Datorren urteko aurrekontuei begira (2026.urtea) Tolosako Udalak konpromiso bat hartzea Oriako Txirrindularitza Eskolak “Jose Mari Anza” memoriala antolatzeko baliabide nahikoak izan ditzan.
10. EAJ/PNV Udal taldeak aurkeztutako proposamena: Udal mailako larrialdietarako plangintza integral baten diseinu eta idazketaren beharra.
11. Alkateak eta zinegotzi delegatuek emandako dekretuen berri ematea.
12. Tokiko gobernu-batzarrak hartutako erabakien berri ematea.
13. Galderak eta eskaerak.